股市大幅波動 . 企業運作如常

這幾天股市波動超乎想像,但企業不會因為這樣而唔做生意.反之,優秀的公司或會趁一部份企業在’大平賣’時作出收購合併,從而壯大自己,以為未來長遠發展鋪路.

組合成員動態:

恆安 - 今個月底,公司會參與競投日資競爭對手所被出售的部份股權,如果投到的話,到公司日後的發展(特別在技術上)會幾有利. 而近幾日,亦見到主席增持.未來幾星期值得密切留意.

玖龍 - 近排好多消息,又在內地收購,又進軍液體包裝紙,更加話好快會有大型海外收購,全部都對集團發展好有利.企業本身真係好有潛力.無奈早兩日資金調動出現緊張,唯有減持一些用作買入中人壽之用.

思捷 - 1月30日出中期業績,令人期待.我就比較樂觀,估有30%或以上的盈利增長......另外早排一直提及的國際收購計劃,不知是否可得到落實並趁這機會公佈呢?

中人壽 - 由07年8.17大概$ 26升到差不多$53,早兩日竟然又見返$27....但實際基本因素變化不大,而最近還非正式地發埋盈喜....這種波幅有冇攪錯!!!

P.S.因近日增持關係,平均買入價被調高.

百麗 - 自從一輪動作後現在好靜.我想管理層一定係積極地做緊整合.比點時間佢地,以他們的能力,應該好快有成績睇.

中移動 - 組合新成員,自己對它冇特別偏好,但的而且確係一間非常出色的強勢企業,同對手距離越拉越遠,加埋今年有好大機會回歸A股市場,點都要支持一下.

波司登 – 雖然巳沒持有它,但仍會密切留意. 近日內地遇到十年難得一見的大風雪,超個十個省被波及.我覺得身活在香港的人實在幸福.不需要面對大自然災難如海,地震等等的威脅.據報道指,波司登這幾星期的銷售額錄得大幅度提升. 這當然是意料之內.另外,它們巳證實會在倫敦開自己品牌專賣店,真正同外國品牌正面交鋒了.真有趣,用中國品牌同外國品牌拼,不知贏面有多大呢?我拭目以待!

下星期會返大陸旅行,等我到時買返件波司登著下先.

2008 投資組合--------------------------------------------------------

公司         購入年份   平均成本   現在價格  08至今獲利  累積獲利

中國人壽       2003      $4.8       $33.5      -17%        598%

思捷環球       2004      $41.7      $97.5      -15.9%      134%

恆安國際       2007      $19.7      $29.05     -17%        47%

招商銀行       2007      $12.8      $30.45     -4.4%       138%

百麗國際       2007      $9.05      $9.86      -16.3%      9%

註:所佔比重在5%以上,次序跟據買入年份.

 

玖龍紙業       2006      $4.89      $12.74    -35.4%      161%

中國移動       2008      $114       $123        7.9%       8%

註:所佔比重在5%以下,次序跟據買入年份.